ՉԶԱՐԳԱՑՈՂ ՀՂԻՈՒԹՅՈՒՆ

Չզարգացող հղիությունը այն վիճակն է, երբ պտղի հետագա աճն ու զարգացումը դադարում է։

• 85% դեպքերում դա տեղի է ունենում հղիության առաջին եռամսյակում՝ մինչև 12 շաբաթական։

Ախտորոշում

Չզարգացող հղիությունը ախտորոշվում է հետևյալների հիման վրա՝

• Անամնեզ և նախորդ հղիությունների պատմություն

• Բժիշկ-գինեկոլոգի զննություն

• Ուլտրաձայնային հետազոտություն

• Լաբորատոր թեստեր, ներառյալ

  • Խորիոգոնիկ գոնադոտրոպինի (hCG) դինամիկայի գնահատում

  • Էստրիոլ և այլ հորմոնալ ցուցանիշներ

Սառեցված հղիության հիմնական պատճառներ

• Էմբրիոնի գենետիկ և քրոմոսոմային անոմալիաներ

• Էնդոմետրիումի (արգանդի լորձաթաղանթի) անբավարար վիճակ

  • կառուցվածքային և ֆունկցիոնալ խանգարումներ

  • քրոնիկ, աուտոիմուն, էնդոմետրիտ

• Արյան մակարդելիության խանգարումներ

  • բնածին թրոմբոֆիլիա, հակաֆոսֆոլիպիդային համախտանիշ, հիպերհոմոցիստեինեմիա

• Սեռական օրգանների անատոմիական շեղումներ

  • արգանդի բնածին դեֆեկտներ, սուբմուկոզային միոմա, ներարգանդային սինեխիաներ

  • իստմիկո-ցերվիկալ անբավարարություն

• Այլ պատճառներ, որոնք պահանջում են իմունիտետի խորացված հետազոտություն

Բուժում և միջամտություններ

Քանի որ 40% դեպքերում չզարգացող հղիության ժամանակ ինքնուրույն ընդհատում չի լինում, անհրաժեշտ են միջամտություններ՝

• Դեղորայքային ընդհատում

  • Հղիության վաղ ժամկետներում՝ 6–8 շաբաթական

  • Անվտանգ և քիչ տրավմատիկ

  • Հնարավոր է արգանդի խոռոչի ոչ լիարժեք մաքրում, որին հետևում է լրացուցիչ միջամտություն

• Վակումային ասպիրացիա

  • Կատարվում է ավելի ուշ ժամկետներում

  • Հարմարավետ և արդյունավետ մեթոդ պտղի մնացորդների հեռացման համար