ՎԱՀԱՆԱՁԵՎ ԳԵՂՁԻ ՍՈՆՈԳՐԱՖԻԱ

Վահանաձև գեղձը արտադրում է կարևոր թիրեոիդ հորմոններ՝ թիրոքսին (T4), եռյոդթիրոնին (T3) և կալցիտոնին, որոնք անհրաժեշտ են օրգանիզմի բոլոր օրգան-համակարգերի նորմալ գործունեության համար՝ ներառյալ վերարտադրողական համակարգը։
Թիրեոիդ հորմոնները կարևոր են դաշտանային ցիկլի և ձվազատման կարգավորման գործընթացում, ուստի դրանց անբավարարությունը կամ ավելցուկը կարող է ազդել հղիության պլանավորման և բնականոն վերարտադրողական ֆունկցիայի վրա։

Վահանաձև գեղձի սոնոգրաֆիայի ցուցումներ

Կանանց խորհուրդ է տրվում տարեկան կատարել սոնոգրաֆիա՝ հետևյալ դեպքերում.

• Կանխարգելման նպատակով՝ տարին մեկ անգամ

• Դաշտանային ցիկլի խանգարումների դեպքում

• Անպտղության (հղիության բացակայություն ≥1 տարի, կանոնավոր սեռական կյանքով) դեպքում

• Յոդի քանակի ոչ նորմալ ցուցանիշների հայտնաբերման դեպքում

• Ընտանիքի անդամների մոտ վահանաձև գեղձի ֆունկցիայի խանգարումների առկայության դեպքում

Ուլտրաձայնային հետազոտության առավելություններ

• Անվնաս է և առանց հակացուցումների՝ հղիների և կերակրող մայրերի համար

• Թույլ է տալիս վաղ փուլում հայտնաբերել կամ ժխտել այնպիսի խնդիրներ, որոնք կլինիկորեն դեռևս չեն արտահայտվել

• Հետազոտությունը տևում է ընդամենը մոտ 20 րոպե

• Հաճախ ապահովում է ճշգրիտ ախտորոշում՝ հնարավորություն ընձեռելով կանխարգելել հետագա բարդություններ