ՊՏՂԻ ԵՐՐՈՐԴ ՍԿՐԻՆԻՆԳԱՅԻՆ ՀԵՏԱԶՈՏՈՒԹՅՈՒՆ

(26–28 շաբաթական)

Այս ժամանակահատվածում կատարվող ուլտրաձայնային հետազոտությունը հանդիսանում է հղիության կարևորագույն սկրինինգային հետազոտություններից երրորդը և նպատակ ունի համապարփակ գնահատել պտղի աճը, զարգացման աստիճանը և հղիության հնարավոր ռիսկերը։

Ուլտրաձայնային հետազոտության ընթացքում իրականացվող հիմնական հետազոտությունները

• Պտղի նեյրոսոնոգրաֆիա
  Գլխուղեղի մանրակրկիտ հետազոտություն՝ անոմալիաների հայտնաբերման կամ ժխտման համար։

• Պտղի էխոկարդիոգրաֆիա
  Սրտի կառուցվածքի մանրակրկիտ ուսումնասիրություն՝ բնածին արատների վաղ հայտնաբերման կամ բացառման նպատակով։

• Դոպլեր հետազոտություն

  • Արյան հոսքի գնահատում պտղի և մոր միջև՝ ընկերքի և պտղի անոթներում արյան հոսքի արագության չափմամբ։

  • Միայն դոպլեր օգտագործելը բավարար չէ ախտորոշման համար. այն առավել արդյունավետ է, երբ համակցվում է մանրակրկիտ ուլտրաձայնային հետազոտության հետ։

  • Օգնում է գնահատել պտղի սնուցման խանգարումները, կանխատեսել պրեէկլամպսիայի զարգացումը և հայտնաբերել սրտի արատները։

• Օրգանոգենեզ
  Ներքին օրգանների՝ հետանցքի, սեռական օրգանների, աղիների, ստամոքսի, լյարդի, լեղապարկի, երիկամների, միզապարկի, կրծքավանդակի մանրակրկիտ ուսումնասիրություն՝ անոմալիաների հայտնաբերման կամ ժխտման համար։

• Վերին և ստորին վերջույթների հետազոտություն
  Մատների հաշվարկ և վերջույթների զարգացման գնահատում՝ անոմալիաների հայտնաբերման կամ բացառման նպատակով։

• Պտղի 3D և 4D պատկերներ
  Տրամադրվում է դիրքով պայմանավորված, թույլ է տալիս իրական ժամանակում տեսնել պտղի շարժումները և կառուցվածքը։

• Ամնիոտիկ հեղուկի քանակի գնահատում
  Նորմալ ցուցանիշը ապահովում է պտղի շարժունակությունը և առողջ զարգացումը։

• Պտղի քաշի և աճի գնահատում
  Օգնում է հետևել պտղի բնականոն զարգացումին և աճի դինամիկային։

• Պլասենտայի դիրքի գնահատում
  Ստուգվում է, որ պլասենտան չի ծածկում արգանդի պարանոցը (placenta previa), ինչը կարող է առաջացնել արյունահոսություն։

• Վաղաժամ ծննդաբերության ռիսկի գնահատում
  Կատարվում է արգանդի պարանոցի երկարության չափում՝ նորմա ≥ 3.0 սմ։