ՊՏՂԻ ԴՈՊԼԵՐ

Հղիության 26–28 շաբաթականում իրականացվող ուլտրաձայնային հետազոտությունը հանդիսանում է հղիության ընթացքում կատարվող երրորդ կարևորագույն սկրինինգային հետազոտությունը։ Այն ուղղված է պտղի ամբողջական զարգացման, ներքին օրգանների վիճակի և մոր–պտուղ համակարգի ճիշտ աշխատանքի գնահատմանը։

Ուլտրաձայնային հետազոտության ընթացքում կատարվում է

• Պտղի նեյրոսոնոգրաֆիա
  Գլխուղեղի մանրակրկիտ հետազոտություն՝ կենտրոնական նյարդային համակարգի զարգացման գնահատման և հնարավոր անոմալիաների հայտնաբերման կամ ժխտման նպատակով։

• Պտղի էխոկարդիոգրաֆիա
  Սրտի կառուցվածքի և խոռոչների մանրամասն ուսումնասիրություն՝ բնածին սրտային արատների վաղ հայտնաբերման կամ բացառման համար։

• Դոպլեր հետազոտություն
  Գնահատվում է արյան հոսքը մոր և պտղի միջև՝ չափելով

  • ընկերքի անոթներում

  • պտղի անոթներում
    արյան հոսքի արագությունն ու բնույթը։

  ⚠️ Միայն դոպլեր հետազոտություն չի իրականացվում, քանի որ առանց մանրակրկիտ ուլտրաձայնային գնահատման այն չունի ախտորոշիչ արժեք։ Դոպլեր հետազոտությունը հնարավորություն է տալիս․

  • կանխատեսել պրեէկլամպսիայի զարգացումը

  • հայտնաբերել պտղի սնուցման խանգարումները

  • օբյեկտիվորեն գնահատել պտղի ընդհանուր վիճակը

  • նպաստել սրտային արատների հայտնաբերմանը կամ ժխտմանը

• Օրգանոգենեզ
  Ներքին օրգանների մանրակրկիտ հետազոտություն՝

  • հետանցք

  • սեռական օրգաններ

  • աղիներ

  • ստամոքս

  • լյարդ և լեղապարկ

  • երիկամներ և միզապարկ

  • կրծքավանդակի օրգաններ
    բնածին անոմալիաների հայտնաբերման կամ բացառման նպատակով։

• Վերին և ստորին վերջույթների հետազոտություն
  Ոսկրերի կառուցվածքի գնահատում, մատների հաշվարկ և անոմալիաների ժխտում կամ հայտնաբերում։

• Պտղի 3D և 4D պատկերների տրամադրում
  Կատարվում է պտղի դիրքից կախված։

• Ամնիոտիկ հեղուկի քանակի գնահատում

• Պտղի քաշի և աճի գնահատում

• Պլասենտայի դիրքի գնահատում
  Ստուգվում է՝ արդյոք պլասենտան չի ծածկում արգանդի պարանոցը (placenta previa), որը կարող է հանգեցնել հղիության ընթացքում կամ ծննդաբերության ժամանակ արյունահոսության։

• Վաղաժամ ծննդաբերության ռիսկի գնահատում
  Չափվում է արգանդի պարանոցի երկարությունը։
  Նորմալ ցուցանիշը՝ ավելի քան 3.0 սմ։

Եզրակացություն

26–28 շաբաթական երրորդ սկրինինգային հետազոտությունը հանդիսանում է պտղի առողջության, զարգացման և հղիության անվտանգ շարունակության կարևորագույն փուլ։ Ժամանակին և որակյալ իրականացված հետազոտությունը թույլ է տալիս կանխատեսել հնարավոր բարդությունները և ապահովել հղիության ճիշտ վարում։