ՊՏՂԻ ԱՌԱՋԻՆ ՍԿՐԻՆԻՆԳԱՅԻՆ ՀԵՏԱԶՈՏՈՒԹՅՈՒՆ

Հղիության 12–14 շաբաթների սկրինինգային ուլտրաձայնային հետազոտություն

Հղիության 12–14 շաբաթականում կատարվում է առաջին և ամենակարևոր սկրինինգային ուլտրաձայնային հետազոտությունը, որը հանդիսանում է հղիության հետագա ճիշտ վարման հիմքը։

Որո՞նք են տվյալ հետազոտության հիմնական նպատակները

• Հղիության ժամկետի ճշգրտում
  Գնահատվում է՝ արդյոք կնոջ վերջին դաշտանով հաշվարկված հղիության ժամկետը համապատասխանում է պտղի ուլտրաձայնային չափսերին։

• Պտղի աճի և զարգացման գնահատում
  Հաստատվում է, որ հղիությունը զարգացող է և համապատասխանում է տվյալ հեստացիոն ժամկետին։

• Պոչուկ–գագաթային երկարության (CRL) չափում
  Տվյալ ժամկետում պտղի երկարությունը սովորաբար կազմում է 45–85 մմ։

• Բազմապտուղ հղիության հայտնաբերում
  Որոշվում է՝ հղիությունը մեկպտուղ է, թե բազմապտուղ։
  Բազմապտուղ հղիության դեպքում պարտադիր է պարզել՝

  • մոնոխորիալ է, թե

  • դիխորիալ,
    քանի որ հղիության ժամկետի մեծացման հետ տարբերակումը զգալիորեն դժվարանում է։

• Արգանդի պարանոցի երկարության չափում
  Կատարվում է պարանոցային անբավարարության վաղ կանխարգելման նպատակով։
  Նորմալ համարվում է ≥ 3 սմ երկարություն։

• Արգանդային զարկերակների դոպլեր հետազոտություն
  Որոշվում է ռեզիստենտականության ինդեքսը՝ պլացենտացիայի և արյան հոսքի գնահատման համար։

• Խոշոր քրոմոսոմային անոմալիաների և բնածին արատների ժխտում/հայտնաբերում
  Հետազոտությունը հնարավորություն է տալիս վաղ փուլում բացառել կյանքի հետ անհամատեղելի կամ ծանր արատները։

• Վերին և ստորին վերջույթների գնահատում
  Ուսումնասիրվում են վերջույթների ոսկրերը, հաշվվում են ձեռքերի և ոտքերի 10 մատները։

• Գլխուղեղի հետազոտություն
  Գնահատվում է գլխուղեղի կառուցվածքը և զարգացման աստիճանը տվյալ ժամկետին համապատասխան։

• Ողնաշարի պարտադիր գնահատում
  Կատարվում է բնածին անոմալիաների բացառման նպատակով։

• Ներքին օրգանների և որովայնի առաջային պատի հետազոտություն
  Թույլ է տալիս վաղ հայտնաբերել որովայնային պատի դեֆեկտները։

• Քիթ–շրթունքային եռանկյան գնահատում
  Հայտնաբերվում կամ ժխտվում են դեմքի բնածին արատները՝

  • գայլի երախ

  • նապաստակի շուրթ

Եզրահանգում

12–14 շաբաթական սկրինինգային ուլտրաձայնային հետազոտությունը պարզապես ստուգում չէ, այլ հղիության անվտանգության և առողջ ընթացքի կարևորագույն փուլ։ Ճիշտ և ժամանակին իրականացված հետազոտությունը թույլ է տալիս վաղ ախտորոշել խնդիրները և ապահովել հղիության առավել անվտանգ վարում։