ՊՏՂԻ ԱՌԱՋԻՆ ԽԱՂԸ

Յուրաքանչյուր հղի անհամբեր սպասում է, թե երբ կզգա պտղի առաջին խաղը։ Ահա հիմնական տեղեկությունները այս հետաքրքիր թեմայի մասին։

Պտղի շարժումների փուլերը

• 7–8 շաբաթական
  Պտուղը սկսում է կատարել առաջին շարժումները։ Այդ ընթացքում ձևավորվում են մկանային կծկումներ՝ ի պատասխան նյարդային ազդակների։ Շարժումները դեռ շատ պարզունակ են և մայրն այդ փուլում դեռ չի կարող զգալ դրանք։

• 10 շաբաթական
  Պտուղը շարժվում է ավելի ակտիվ, հանդիպելով արգանդի պատերին՝ փոխում է շարժումների ուղղությունը։ Դրանք դեռ փոքր են և մայրն ավելի հաճախ չի զգում։

• Առաջին հղիություն՝ 20–21 շաբաթական
  Ըստ վիճակագրության, առաջին հղիության դեպքում մայրն սկսում է զգալ պտղի շարժումները այս շրջանում։

• Երկրորդ/երրորդ և ավելի հղիություն՝ 16–18 շաբաթական
  Ավելի զգայուն կանայք պտղի շարժումները կարող են զգալ ավելի շուտ։

• 24 շաբաթական
  Մայրն արդեն լիարժեք զգում է պտղի շարժումները և դիրքի փոփոխությունները։

Պտղի ակտիվության նշանակությունը

• Պտուղը սկսում է «շփվել» մոր հետ՝ արձագանքելով ձայնին, երաժշտությանը և մոր հուզական վիճակին։

• Շարժումների հաճախականությունը սովորաբար կազմում է 4–8 հարված մեկ ժամում, բացառությամբ քնի ժամանակ։

• 32 շաբաթականից սկսած, պտղի քաշի մեծացման հետ ակտիվությունը աստիճանաբար նվազում է, սակայն շարժումների ինտենսիվությունը մնում է նույնը։

Մայրի զգացողությունները

• Շատ կանայք պտղի առաջին շարժումները նկարագրում են որպես «թռչող թիթեռների» կամ «լողացող ձկների» զգացում որովայնում։

• Պտղի շարժումները կախված են մոր տրամադրությունից․ եթե մայրը մտահոգված է կամ ուրախ, երեխան կարող է ավելի ակտիվ լինել։

Պտղի ակտիվությունը պայմանավորված է

• Հանգստի ժամանակ՝ պտուղը ակտիվ է, իսկ երբ մայրը զբաղված է, պտուղը հանգստանում է։

• Սնվելուց հետո, հատկապես քաղցր սնունդ ընդունելուց հետո, արյան գլյուկոզայի բարձրացումը մեծացնում է պտղի շարժումները։

Երբ անհրաժեշտ է խորհրդակցել բժշկի հետ

Եթե պտղի շարժումները տևական ժամանակ բացակայում են կամ թույլ են արտահայտված, պետք է դիմել մանկաբարձ-գինեկոլոգի։