ՃԱՆԱՊԱՐՀՈՐԴՈՒԹՅՈՒՆ ՀՂԻՈՒԹՅԱՆ ԸՆԹԱՑՔՈՒՄ

Օդային ճանապարհորդություն հղի կանանց համար

Ամենահաճախ հղիներից ստացվող հարցերից է՝ արդյո՞ք անվտանգ է ինքնաթիռով թռչելը հղիության ընթացքում։

Ճառագայթման վտանգ

• Ինքնաթիռում ճառագայթման մակարդակը որոշ չափով բարձր է, սակայն, եթե ամսական թռիչքների քանակը չի գերազանցում 2–5-ը, այն համարվում է անվտանգ Ձեզ և Ձեր երեխայի համար։

• Այնուամենայնիվ, հաճախ թռչող հղիների մոտ ճառագայթման և վաղաժամ ծննդաբերության ռիսկը մի փոքր բարձրանում է։

Սկաներների միջոցով անցնելու անվտանգություն

• Հղիները կարող են անցնել սկաներների միջով, քանի որ կարճատև ճառագայթումը չի ունենում որևէ վնաս։

• Նույնիսկ ռենտգենյան ճառագայթների վրա հիմնված սկաները ավելի անվտանգ են, քան ինքնաթիռով թռիչքը։

Թռիչքի արգելքներ

Թռիչքը արգելվում է այն հղիներին, ովքեր ունեն՝

• Բարդություններով ընթացող հղիություն

• Վաղաժամ ծննդաբերության բարձր ռիսկ

• Հեշտոցային արյունահոսության բարձր ռիսկ

• Արյան հեմոգլոբինի կամ մակարդելիության խնդիրներ (ցածր հեմոգլոբին)

• Արգանդի պարանոցի անբավարարություն

Թռիչքի թույլատրելի ժամկետներ

• Առաջին եռամսյակ (մինչև 12–14 շաբաթ) – խորհուրդ է տրվում խուսափել նույնիսկ կարճատև թռիչքներից

• Լավագույն ժամանակահատված – հղիության երկրորդ եռամսյակ

• Վերջնաժամկետներ՝

  • Առաջին հղիություն, մեկ պտուղ – մինչև 37 շաբաթ

  • Երկրորդ կամ երրորդ հղիություն, մեկ պտուղ – մինչև 35 շաբաթ

  • Զույգ կամ ավելի պտուղներով հղիություն – մինչև 32 շաբաթ