ՊՏՂԻ ԵՐԿՐՈՐԴ ՍԿՐԻՆԻՆԳԱՅԻՆ ՀԵՏԱԶՈՏՈՒԹՅՈՒՆ

Պտղի երկրորդ սկրինինգային ուլտրաձայնային հետազոտությունը իրականացվում է հղիության 18–22 շաբաթականում և հանդիսանում է հղիության ընթացքի ամենակարևոր ախտորոշիչ փուլերից մեկը։

Էքսպերտային սկրինինգ մեր կենտրոնում

Մեր կենտրոնում իրականացվում է էքսպերտային մակարդակի երկրորդ սկրինինգային հետազոտություն, որը, բացի բազային ուլտրաձայնային գնահատումից, ներառում է նաև՝

• պտղի սրտի մանրակրկիտ էխոկարդիոգրաֆիա,

• պտղի գլխուղեղի 3D նեյրոսոնոգրաֆիա։

Այս համակցված մոտեցումը թույլ է տալիս բարձր հավաստիությամբ բացառել կամ հայտնաբերել պտղի սրտի և գլխուղեղի զարգացման զգալի թվով բնածին անոմալիաներ։

Հետազոտության ընթացքում իրականացվում է

• Պտղի նեյրոսոնոգրաֆիա
  Գլխուղեղի մանրակրկիտ հետազոտություն՝ կենտրոնական նյարդային համակարգի զարգացման գնահատման և հնարավոր անոմալիաների հայտնաբերման կամ ժխտման նպատակով։

• Պտղի էխոկարդիոգրաֆիա
  Սրտի կառուցվածքի, խոռոչների և հիմնական անոթների մանրամասն ուսումնասիրություն՝ բնածին սրտային արատների վաղ հայտնաբերման կամ բացառման համար։

• Ներքին օրգանների հետազոտություն

  • ստամոքս

  • երիկամներ

  • միզապարկ
    Անատոմիական կառուցվածքի և զարգացման գնահատում՝ անոմալիաների հայտնաբերման կամ ժխտման նպատակով։

• Ամնիոտիկ հեղուկի քանակի գնահատում
  Նորմալ ցուցանիշ՝ AFI ≈ 17։

• Պլասենտայի դիրքի գնահատում
  Ստուգվում է՝ արդյոք պլասենտան չի ծածկում արգանդի պարանոցը (placenta previa), ինչը կարող է առաջացնել հղիության ընթացքում կամ ծննդաբերության ժամանակ արյունահոսություն։

• Վերին և ստորին վերջույթների հետազոտություն
  Ոսկրային կառուցվածքի և վերջույթների ձևավորման գնահատում՝ հնարավոր անոմալիաների ժխտման կամ հայտնաբերման համար։

• Վաղաժամ ծննդաբերության ռիսկի գնահատում
  Կատարվում է արգանդի պարանոցի երկարության չափում։

• Պտղի 3D և 4D պատկերների ստացում
  Տրամադրվում է պտղի դիրքից կախված։