ՄԱՅՐՈՒԹՅԱՆ ԴՊՐՈՑ

Ի՞նչ է մայրության դպրոցը

Մայրության դպրոցը ապագա մայրիկների համար նախատեսված կրթական ծրագիր է, որը լայնորեն կիրառվում է ամբողջ աշխարհում և համարվում է հղիության ընթացքում կարևոր ու անհրաժեշտ փուլ։ Շատ երկրներում այն դիտարկվում է որպես հղիության վարարման անբաժանելի բաղադրիչ։

Հղիության մասին իմանալը կնոջ կյանքում մեծ ուրախություն է, սակայն այդ պահին հաճախ ի հայտ են գալիս նաև անհանգստություն, վախեր և անորոշություն։ Մայրության դպրոցի դասընթացները օգնում են ապագա մայրիկներին հաղթահարել այդ զգացողությունները, գիտակցված և վստահ մոտեցում ձևավորել հղիությանը և լիարժեք վայելել այդ յուրահատուկ ինն ամիսները։

Դասընթացների ընթացքում տրամադրվում են գիտականորեն հիմնավորված, գործնական և անհրաժեշտ գիտելիքներ, որոնք պետք են յուրաքանչյուր հղի կնոջ՝ հղիության, ծննդաբերության և հետծննդաբերական շրջանի համար։

Մայրության դպրոցի կառուցվածքը

Մայրության դպրոցը բաղկացած է երկու հիմնական դասընթացից՝ ըստ հղիության փուլերի։

Առաջին դասընթաց

(հղիության առաջին և երկրորդ եռամսյակներ)

Այս փուլում քննարկվում են հղիության ընթացքում կնոջ օրգանիզմում տեղի ունեցող հիմնական փոփոխությունները և առօրյա կյանքի հետ կապված կարևոր հարցերը՝

• Հղիության ընթացքում տեղի ունեցող ֆիզիոլոգիական փոփոխությունները

• Վիտամինների ընդունման անհրաժեշտությունն ու ցուցումները

• Առողջ և անվտանգ սննդակարգ հղիության ընթացքում, ինչպես նաև խուսափելի սննդատեսակներ

• Քաշի ավելացման նորմատիվ ցուցանիշները

• Ֆիզիկական ակտիվություն և սպորտ՝ թույլատրելի սահմաններում

• Սեռական կյանքի հնարավորությունը և անվտանգությունը հղիության ընթացքում

• Մաշկի փոփոխությունների կանխարգելում՝ սպիտակ զոլեր, պիգմենտացիա

• Ճանապարհորդություն հղիության ընթացքում՝ թույլատրելի պայմաններ

• Արտաքին տեսքի խնամք՝
  գելլաք, մազերի ներկում, մազահեռացում, դիմահարդարում և այլ կոսմետիկ միջամտություններ

Երկրորդ դասընթաց

(հղիության երրորդ եռամսյակ)

Այս դասընթացը նվիրված է ծննդաբերությանն ու մայրությանը նախապատրաստմանը՝

• Ծննդաբերությանը ճիշտ և գիտակցված նախապատրաստում

• Ծննդաբերության սկիզբը և իրավիճակի ճիշտ գնահատում

• Անհրաժեշտ իրեր ծննդատան համար

• Ամուսնու կամ զուգընկերոջ ներկայությունը ծննդաբերության ընթացքում

• Ծննդաբերության եղանակներ՝ բնական և վիրահատական

• Ծննդաբերության ընթացքի և հնարավոր բարդությունների քննարկում

• Ցավազրկման մեթոդներ ծննդաբերության ժամանակ

• Կրծքով կերակրման հիմունքներ

• Նորածնի խնամքի հիմնական կանոններ

• Հետծննդաբերական շրջանի ճիշտ հարմարվողականություն՝ ֆիզիկական և հոգեբանական տեսանկյունից