ԿԱՐԴԻՈՏՈԿՈԳՐԱՖԻԱ

ԿՏԳ-ն նախածննդյան ախտորոշման մեթոդ է, որը հիմնված է դոպլերի սկզբունքի վրա։

Հետազոտության ընթացքում հատուկ սենսորները գրանցում են՝

• պտղի սրտի բաբախը,

• պտղի շարժումները,

• արգանդի կծկումները,

և տեղեկատվությունը արտացոլվում է թղթե ժապավենի վրա։

ԿՏԳ-ի նշանակությունը

ԿՏԳ-ն ապահովում է մատչելի, բարձր տեղեկատվական արժեքով և ապահով գնահատում պտղի վիճակի համար։

• Այն հնարավորություն է տալիս օբյեկտիվորեն որոշել երեխայի առողջական վիճակը՝ հիմնվելով սրտի զարկերի հաճախականության վրա։

• Ծննդաբերության ընթացքում ԿՏԳ-ն օգնում է գնահատել արգանդի կծկումների ուժգնությունն ու հաճախականությունը, ինչը կարևոր է ծննդաբերության անվտանգ ընթացքի համար։

ԿՏԳ-ի ցուցումներ

• Բոլոր հղիների համար՝ հղիության 30 շաբաթից սկսած՝ 10–14 օրը մեկ,

• 36 շաբաթականից՝ շաբաթը մեկ անգամ,

• Անհանգստության կամ պտղի դանդաղ շարժումների դեպքում՝ ԿՏԳ իրականացվում է ուլտրաձայնային հետազոտության և դոպլերոմետրիայի հետ համատեղ, բժիշկի ցուցումով։

ԿՏԳ-ի ընթացակարգ

• Հետազոտությունը կատարվում է պառկած կամ կողքով պառկած դիրքում,

• Սենսորները հարմարեցվում են որովայնին,

• Հետազոտության տևողությունը կազմում է 15–20 րոպե։

Մեր կլինիկայում ԿՏԳ-ն իրականացվում է առանձնացված, գեղեցիկ սենյակում, որտեղ հնարավոր է ամուսնու ներկայությունը։

Այս ընթացքում դուք կարող եք հանգիստ լսել ձեր երեխայի սրտի բաբախյունը և վայելել հղիության յուրահատուկ պահերը։